Proveb 3:2-8

²Hihiseien onak houmon moulien onom hetaveah ka kiles tahosien.

³En moulien onom, avaseini asa hemai, kitie lat sakien ten more envatien onom en meatin sav keil ka lises kumoni hetahos min keil. Konalokoveintei sise keilu ekek, hetahos keke kitis kati hel en tinom.

⁴Munak kumon koanek, Ahi ka meatin sav keil isi keil venuk ka isom hetahos.

⁵Hetal min moulien vasi onom, kiling desien onom en Iahova. Konandesintei ileilien onom enges.

⁶Kindem kat Iahova en tounah vasi koa komumoni, ka kei hetie sise koa mal minuk.

⁷Konandem sasom enuktei konahit ileilien onom mulin ileilien onen meatin sav keil. Kihouhou min Iahova ka konahatei vesesal en tisaen.

⁸Munak kumon koanek, hesak revi avem ka en tinom, kilonge hetahos.