preritAH 19:1-25

¹karinthanagara ApallasaH sthitikAle paula uttarapradezairAgacchan iphiSanagaram upasthitavAn| tatra katipayaziSyAn sAkSat prApya tAn apRcchat,

²yUyaM vizvasya pavitramAtmAnaM prAptA na vA? tataste pratyavadan pavitra AtmA dIyate ityasmAbhiH zrutamapi nahi|

³tadA sA'vadat tarhi yUyaM kena majjitA abhavata? te'kathayan yohano majjanena|

⁴tadA paula uktavAn itaH paraM ya upasthAsyati tasmin arthata yIzukhrISTe vizvasitavyamityuktvA yohan manaHparivarttanasUcakena majjanena jale lokAn amajjayat|

⁵tAdRzIM kathAM zrutvA te prabho ryIzukhrISTasya nAmnA majjitA abhavan|

⁶tataH paulena teSAM gAtreSu kare'rpite teSAmupari pavitra AtmAvarUDhavAn, tasmAt te nAnAdezIyA bhASA bhaviSyatkathAzca kathitavantaH|

⁷te prAyeNa dvAdazajanA Asan|

⁸paulo bhajanabhavanaM gatvA prAyeNa mAsatrayam Izvarasya rAjyasya vicAraM kRtvA lokAn pravartya sAhasena kathAmakathayat|

⁹kintu kaThinAntaHkaraNatvAt kiyanto janA na vizvasya sarvveSAM samakSam etatpathasya nindAM karttuM pravRttAH, ataH paulasteSAM samIpAt prasthAya ziSyagaNaM pRthakkRtvA pratyahaM turAnnanAmnaH kasyacit janasya pAThazAlAyAM vicAraM kRtavAn|

¹⁰itthaM vatsaradvayaM gataM tasmAd AziyAdezanivAsinaH sarvve yihUdIyA anyadezIyalokAzca prabho ryIzoH kathAm azrauSan|

¹¹paulena ca Izvara etAdRzAnyadbhutAni karmmANi kRtavAn

¹²yat paridheye gAtramArjanavastre vA tasya dehAt pIDitalokAnAm samIpam AnIte te nirAmayA jAtA apavitrA bhUtAzca tebhyo bahirgatavantaH|

¹³tadA dezATanakAriNaH kiyanto yihUdIyA bhUtApasAriNo bhUtagrastanokAnAM sannidhau prabhe ryIzo rnAma japtvA vAkyamidam avadan, yasya kathAM paulaH pracArayati tasya yIzo rnAmnA yuSmAn AjJApayAmaH|

¹⁴skivanAmno yihUdIyAnAM pradhAnayAjakasya saptabhiH puttaistathA kRte sati

¹⁵kazcid apavitro bhUtaH pratyuditavAn, yIzuM jAnAmi paulaJca paricinomi kintu ke yUyaM?

¹⁶ityuktvA sopavitrabhUtagrasto manuSyo lamphaM kRtvA teSAmupari patitvA balena tAn jitavAn, tasmAtte nagnAH kSatAGgAzca santastasmAd gehAt palAyanta|

¹⁷sA vAg iphiSanagaranivAsinasaM sarvveSAM yihUdIyAnAM bhinnadezIyAnAM lokAnAJca zravogocarIbhUtA; tataH sarvve bhayaM gatAH prabho ryIzo rnAmno yazo 'varddhata|

¹⁸yeSAmanekeSAM lokAnAM pratItirajAyata ta Agatya svaiH kRtAH kriyAH prakAzarUpeNAGgIkRtavantaH|

¹⁹bahavo mAyAkarmmakAriNaH svasvagranthAn AnIya rAzIkRtya sarvveSAM samakSam adAhayan, tato gaNanAM kRtvAbudhyanta paJcAyutarUpyamudrAmUlyapustakAni dagdhAni|

²⁰itthaM prabhoH kathA sarvvadezaM vyApya prabalA jAtA|

²¹sarvveSveteSu karmmasu sampanneSu satsu paulo mAkidaniyAkhAyAdezAbhyAM yirUzAlamaM gantuM matiM kRtvA kathitavAn tatsthAnaM yAtrAyAM kRtAyAM satyAM mayA romAnagaraM draSTavyaM|

²²svAnugatalokAnAM tImathiyerAstau dvau janau mAkidaniyAdezaM prati prahitya svayam AziyAdeze katipayadinAni sthitavAn|

²³kintu tasmin samaye mate'smin kalaho jAtaH|

²⁴tatkAraNamidaM, arttimIdevyA rUpyamandiranirmmANena sarvveSAM zilpinAM yatheSTalAbham ajanayat yo dImItriyanAmA nADIndhamaH

²⁵sa tAn tatkarmmajIvinaH sarvvalokAMzca samAhUya bhASitavAn he mahecchA etena mandiranirmmANenAsmAkaM jIvikA bhavati, etad yUyaM vittha;