Pisalem 24:2-8

²Mee ne hau di maa i hongo di moana llala i lala henuailala, ga haga noho dono hagamau i lodo di moana llala.

³Ma koai dela e tau di hana gi nua gi di gonduu a Dimaadua? Ma koai dela e mee di ulu gi lodo di Hale Haga madagu a Maa?

⁴Ma go digau ala e madammaa nadau hangaahai mo nadau maanadu, ge hagalee daumaha gi nia balu god, ge hagalee hai nadau hagababa tilikai.

⁵Dimaadua ga haga maluagina digaula ga haga dagaloaha digaula. God ga haga waalanga bolo digaula deai nadau huaidu ai.

⁶Ma go digau ala beenei ala e lloomoi gi God, ala e lloomoi gi mua di God o Jacob.

⁷Goodou hugee nia bontai di abaaba di waahale, hugee nia bontai ala mai anadilaangi, gi ulu di King Aamua gi lodo!

⁸Di King Aamua deenei la koai? Go Dimaadua, Mee e maaloo ge mogobuna! Dimaadua dela koia e maaloo i lodo nia dauwa.