Pisalem 128:2-5

²Goe gaa kae o hagahumalia mai i au hegau ala ne hai. Goe ga tenetene ga humalia adu gi di goe.

³Doo lodo gaa hai gadoo be di laagau ‘grape’ dela e huwa daulogo i lodo doo hale, gei au dama daane gaa hai gadoo be nia dama laagau olib ala e haganiga dau deebele.

⁴Taane dela e hagalongo gi Dimaadua le e hai loo gi haga maluagina gadoo beenei.

⁵Dimaadua gi haga maluagina ina goe mai i Zion! Goe gii mee hualaa di mmada gi di gila humalia o Jerusalem i di waalooloo o do mouli!