Pesalem 91:1-9

¹Ŋac taŋ gê lamu Lôlôc Ŋataugeŋ ma gêŋgôŋ Ŋaniniŋ Ŋatau nê ajuŋlabu naŋ,

²oc êsôm êndêŋ Apômtau gebe “O ŋoc lamu to ŋoc laimôkê. O ŋoc Anôtô, taŋ taêc kêka aôm naŋ.”

³Gebe eŋ taugeŋ oc êjaŋgo aôm su aŋga ŋac-gêdib-mocwaga nê lakô ma ênam aôm sa êndêŋ gêmac sec.

⁴Eŋ oc êŋgandê aôm auc ŋa nê magê ma aôm oc ôŋgôŋ ênê magêlabu ŋajamgeŋ. Ênê biŋ ŋaŋêŋ kêtu lautuc to maluku.

⁵Aôm oc ôtêc gêŋsêga gêbêcŋa atom ma ôtêc sôb, taŋ gêlôb gêdêŋ ocsalôŋa naŋ, atom amboac tonaŋgeŋ.

⁶Aôm oc ôtêc gêmac sec, taŋ kêmoasac tokesecgeŋ ma ônaŋ geseŋ lau gêdêŋ ocsalô naŋ, êtap aôm sa atom amboac tonaŋgeŋ.

⁷Lau tausen, taŋ sêwiŋ aôm naŋ, embe sênaŋa, ma tausen to tausen, taŋ sêmoa kêsi lêmam anôŋaŋa naŋ, embe sênaŋa naŋ, mago oc êjac aôm sa.

⁸Aôm taôm matamanô êpi lau kesowaga ma ôlic ŋagêjô, taŋ oc êtap êsêac sa naŋ.

⁹Apômtau kêtu aômnêm lamu. Aôm kôjaliŋ Lôlôc Ŋatau sa gebe êtu nêm laimôkê,