Pesalem 90:8-16

⁸Aôm kotoc aêacma geo kêkô aôm laŋômnêmŋa. Aôm laŋômanô ŋawê kêpô aêacma sec, taŋ gêc lêlômgeŋ naŋ.

⁹Gebe aôm têmtac ŋandaŋ gêjac aêacma bêc samob gêŋgic. Aêacma jala kêtôm ataŋ aweŋ kêtu dambê.

¹⁰Aêac amoa mateŋ jali ŋajala jagêdêŋ 70. Ma embe aŋgôŋ ŋêŋgeŋ, naŋ oc naêndêŋ 80. Mago jala tau ŋanô gêŋwapac to ŋanômê ma gê su sebeŋ amboac moc gêlôb.

¹¹Asa oc taê ênam aôm têmtac ŋandaŋ ŋaŋaclai ma asa kêtêc têmtac kêbôli auc.

¹²Amboac tonaŋ ôndôŋ aêac gebe asa ma bêc sa ŋapep gebe ma ŋalêlôm êjala mêtê tokauc.

¹³O Apômtau, ômu ômôêŋmaŋ, gobe ômoa jaêc aêac e êndêŋ ondocgeŋ. Taêm walô nêm sakiŋwagamaŋ.

¹⁴Aôm têmtac gêwiŋ teŋgeŋŋa êôc aêac tôŋ êtôm bêcgeŋ, ec ôliŋ êpi to têntac ŋajam êtôm ma bêc samob.

¹⁵Ôkêŋ bêc aêacma ŋalêlôm ŋajam êsaŋa e naêtôm bêc, taŋ kôkôniŋ aêac tôŋ naŋ, to êtôm jala, taŋ gêŋwapac kêkôm aêac auc naŋ.

¹⁶Ôwa nêm koleŋ ŋam sa êndêŋ nêm sakiŋwaga ma ôwa nêm ŋawasi sa êndêŋ êsêacnêŋ ŋapalê amboac tonaŋgeŋ.