Samu 90:8-16

⁸Hosu kavatimo afole yateꞌmo haneꞌnigeka neꞌagane. Huta fala kita neꞌatalona hosu kavatimo kaulagalekeꞌmo haneꞌnigeka alika neꞌmalane.

⁹Kaipamo leꞌnigeka ge nehukaeꞌmo ma mopafiꞌmo maisuna afinatimo alika hogo huka nelatane. Kaiteneꞌmo huꞌa hapa nepaigenoꞌaeꞌmo malage huno apake nekaniya kava huta malage huta nefalune.

¹⁰Lagaemo 70ꞌa kafugamo maige lokiya vayaꞌmo 80ꞌa kafugamo maige huta neꞌmaunaꞌmonanafa lokiya aliꞌyaꞌmo alige hanageke yaꞌmo alige huta aise afinaꞌmo maiꞌneta ma mopamo malage huta ataleta halelita neꞌune.

¹¹Ina laꞌmo kaipamo leꞌniya lokiyakamo ageno alagepa huno ageꞌniye. Kaipamo nelegeka kayamukiki nehanageꞌapaeꞌmo lusi kava huꞌa koli nehaya kavakamo ina laꞌmo ageno alagepa huno ageꞌniye.

¹²Ma mopafiꞌmo maisuna afinatimo lekana paisunafeꞌmo alika laya malegeta alagepa huta ageteta afino.

¹³Ala kava nene, huꞌna, aika atagi neka lagaetegamo eno. Na magi afinaꞌmo kaipamo leka lategane. Aliꞌyakamo neꞌaluna vayakaeꞌmo kahau huka lato.

¹⁴Muki afinaꞌmo lamogaga aige amuse huge huta maisunafeꞌmo muki afinaꞌmo neteꞌae neteꞌaeꞌmo olataleka kahau huka lato.

¹⁵Hanageke yaꞌmo lamiꞌnanageno laipamoꞌmo kana huꞌniye. Laha maegeta na magi afinaꞌmo laipamoꞌmo kana huꞌnifi huta ani agufa yatala afinakeꞌmo lamogaga aino.

¹⁶Aliꞌyakamo alika aliꞌyakamo neꞌaluna vayakamo lave liyo. Laginago mafaꞌnetimo himamukamo alika apave liyo.