Pesalem 58:4-11

⁴Ŋamalic gêjam êsêac auc kêtôm gêjam moac sec auc. Ac têtôm moac, taŋ gêbôc taŋasuŋ auc gebe êŋô biŋ atom naŋ.

⁵Têtôm moac, taŋ kêkêŋ taŋa nê gôliŋwaga awa to ŋac mectomaŋŋa, taŋ kêsôm ŋamec kêtu tôŋ naŋ atom.

⁶O Anôtô, ônac êsêacnêŋ luŋluŋ popoc aŋga aweŋsuŋ. O Apômtau, ôkip lewe matac nêŋ ŋani sa.

⁷Ôkeŋ êsêac sê su êtôm bu kêtaiŋ su. Êsêac têtu masê amboac gêgwaŋ intênaŋa.

⁸Êsêac sênaŋa amboac i, taŋ daôŋ sa aŋga maleŋ naŋ. Êsêac têtôm ŋapalê, taŋ têna kêkôc eŋ ŋamatê ma gêlic gamêŋ ŋawê sapu naŋ.

⁹Sêjala atomgeŋ ma sebob êsêac amboac waôŋ. Sêmoa mateŋ jaligeŋ ma Anôtô têtac ŋandaŋ êju êsêac sa sênaŋa.

¹⁰Ŋac gêdêŋ embe êlic sêkêŋ ŋagêjô êndêŋ ŋac, taŋ gêgôm sec naŋ, oc ôli êpi. Eŋ oc êkwasiŋ akaiŋ êsêp ŋac alôb-alôb nê dec.

¹¹Ma lau oc sêsôm gebe Biŋŋanô, lau gêdêŋ têtap nêŋ ŋagêjô ŋajam sa. Biŋŋanô, Anôtô taŋ kêmêtôc biŋ aŋga nom naŋ, tec gêmoa.”