Pesalem 55:17-23

¹⁷Aê gabe jateŋ to janiŋ oliŋ tauc êndêŋ êtula ma eleŋŋa to ocsalô ma oc êkêŋ taŋa aê aoc.

¹⁸Eŋ oc ênam katuc kêsi gebe êmoa tomalô ec êsêac mêŋtêtu gasuc aê atom gebe êsêac, taŋ sebe senseŋ aê naŋ, taêsam ŋalêlêma atom.

¹⁹Anôtô taŋ gêŋgôŋ nê lêpôŋ gêdêŋ andaŋgeŋanô naŋ, oc êkêŋ taŋa aê ma êkôniŋ êsêac tôŋ. Êsêac têtêc Anôtô atom ma sênam tauŋ ôkwi atom amboac tonaŋgeŋ.

²⁰Aêŋoc ŋac, taŋ gêmuŋgeŋ ôli andaŋ aê naŋ, lêma kêpi tau nê lau. Eŋ gêjac nê poac popoc.

²¹Awasuŋ geŋ oso biŋ e ŋawasi kêtôm bôc ŋalêsi, mago biŋ tau ŋamata kêtôm siŋ. Eŋ kêbanac biŋ ŋajam-ŋajamgeŋ kêlêlêc niptêkwi su, mago kêtôm têdaiŋ siŋ gebe sênac.

²²Ôkac nêm gêŋwapac tolagic su êndêŋ Apômtau, eŋ oc ênam aôm sa. Eŋ oc êkêŋ ŋac gêdêŋ êku atomanô.

²³Biŋŋanô, o Anôtô, aôm oc ôku êsêac tulu ma sêsêp sê ŋadimlabu sêna. Lau taŋ sêwê kaiŋ dec to biŋdansaŋ naŋ, oc sêmac êndu ŋatêkwa galigeŋ. Ma aê tec taêc kêka aômgeŋ.