Pisalem 55:17-23

¹⁷Luada, oodee, mo hiahi agu tamu mo di dangi i lodo dogu manawa guu dau i mua o Mee, gei Mee ga hagalongo gi dogu lee.

¹⁸Mee ga laha mai au hagahumalia gi daha mai teebagi dela nogo heebagi iei au gi ogu hagadaumee dogologowaahee.

¹⁹God dela nogo dagi mai loo namua ga hagalongo mai gi di au, ga haga magedaa digaula, idimaa digaula hagalee hiihai e huli hoou, gei hagalee e mmaadagu i Mee.

²⁰Dogu ihoo i mua gu hai baahi gi ono ehoo hagaaloho. Mee gu oho ana hagababa.

²¹Nia helekai a maa e kala, gei i lodo dono manawa le e honu di hagadugina. Nia helekai a maa e hagalongo hagamanawa lamalia ginai be nia lolo, gei nia maa e gaa gadoo be tulumanu dauwa.

²²Dugua ang gi Dimaadua o haingadaa, gei Mee ga haga dagaloaha goe. Mee hagalee e hai digau ala e hai di tonu gi magedaa.

²³Gei Goe, meenei God, gaa lahi digau daaligi dangada gii mmade mo digau hai kai tilikai gi lodo nadau daalunga i mua digaula ma gaa tugi i tungaalodo o nadau mouli. Gei au ga hagadagadagagee adu gi di Goe.