Pesalem 50:5-19

⁵Eŋ kêsôm gebe “Akac ŋoc lau-mansaŋwaga, taŋ sêkêŋ da sêmoatiŋ poacŋa gêdêŋ aê naŋ, sa sêmêŋ.”

⁶Tec undambê êsôm ênê biŋ gêdêŋ lasê gebe Anôtô tau eŋ mêtôcwaga.

⁷“O ŋoc lau, akêŋ taŋem aê gabe jasôm biŋ. O Israel tau, aê gabe jawa nêm keso, taŋ gôwê kaiŋ naŋ lasê. Anôtô, aômnêm Anôtô aê.

⁸Aê gabe jasôm aôm êtu nêm daŋa atom gebe matocanô galic nêm daja gedeŋ tôŋgeŋ.

⁹Aê gabe jakôc bulimakao kapoac aŋga nêm andu to noniŋ kapoac aŋga nêm sapalêlôm atom,

¹⁰gebe gwada saleŋŋa samob to bôc tokaiŋ-tokaiŋ, taŋ sêmoa lôc tolôc naŋ, ŋatau aê.

¹¹Moc samob, taŋ sêmoa lôlôc naŋ, aê kajala kêtu tôŋ ma gêŋ, taŋ sêmoa obalêlôm naŋ, ŋatau aê.

¹²“Mo embe êjô aê, oc jasôm êndêŋ aôm atom, gebe nom samucgeŋ to ŋagêŋlêlôm samob ŋatau aê.

¹³Aê oc gaeŋ bulimakao ŋamêsôm me oc ganôm noniŋ ŋadec me.

¹⁴Ôkêŋ daŋge êtu da êndêŋ Apômtau, ma ôŋgôm biŋ, taŋ gôjac mata naŋ, ŋanô êsa êndêŋ Lôlôc Ŋatau.

¹⁵Ma awam ênac aê êndêŋ bêc ôpô lênaŋa, go janam aôm sa ma awam êôc aê.”

¹⁶Mago Apômtau kêsôm gêdêŋ ŋac-kêkac-tau-suwaga gebe “Amboac ondoc aôm kôsa aêŋoc biŋsu sasa ma aêŋoc poac ŋabiŋ gêc awamgeŋ.

¹⁷Aôm tonaŋ tec godec ŋoc mêtôc ma kôtiŋ ŋoc biŋ su gêc dêmôêmmuŋa.

¹⁸Embe ôtap geŋgeŋtêna teŋ sa, oc wê eŋ êtu nêm sêlêb ma mockaiŋtêna êtu nêm ŋac ôlim andaŋŋa.

¹⁹“Aôm kôlêwaŋ awamsuŋ gêdêŋ biŋ sec ma imbêlam geno-geno biŋdansaŋ ŋapaŋgeŋ.