Pesalem 20:4-8

⁴Eŋ êkêŋ gêŋ, taŋ nêm ŋalêlôm taê kêka naŋ, ŋanô êsa. Eŋ êkêŋ aôm ôŋgôm gêŋ samob, taŋ taêm gajam naŋ, e ônac dabiŋ.

⁵Embe ôku nêm ŋacjo tulu, aêac oc ôliŋ api toôndugeŋ, oc andaiŋ obokêam asam aêacma Anôtônê ŋaê. Apômtau êkêŋ gêŋ samob, taŋ koteŋ naŋ, ŋanô êsa.

⁶Galoc tec kajala gebe Apômtau gêjam nê ŋac, taŋ seŋ oso eŋ naŋ sa. Eŋ kêkêŋ taŋa eŋ aŋga nê undambê dabuŋ. Nê anôŋa aku ŋacjo tulu toŋaclaigeŋ.

⁷Lau ônê ŋai-ŋai samob taêŋ kêka nêŋ kareta siŋŋa to hos, mago aêac tec taêŋ kêka aêacnêŋ Apômtau Anôtô nê ŋaclai.

⁸Êsêac tê sêku sa sêsêp jasêc, mago aêac gacgeŋ bôŋdagi aŋgeŋ akô ŋajaŋa.