Pesalem 122:1-9

¹Aê gaŋô lau sêsôm gêdêŋ aê gebe “Tawê dandêŋ Apômtaunê andu tana” ma gêgôm aê têtac ŋajamanô.

²O Jerusalem, galoc eŋkaiŋ kêka aômnêm sacgêdô tôŋgac.

³O Jerusalem, sêkwê aôm sa kêtiam kêtôm malac, taŋ tuŋbôm kêpiŋ auc e ŋajaŋa naŋ.

⁴Gôlôac to gôlôac sêpi gamêŋ tonaŋ Apômtau tau nê gôlôac sêpi-sêpi sêmoa êtôm eŋ kêjatu êsêac gebe sêlanem Apômtaunê ŋaê.

⁵Aŋga tonaŋ tec tetoc lêpôŋ sêmêtôc biŋŋa kêkô, tetoc Dawidnê gôlôacnêŋ lêpôŋ kêkô.

⁶Ateŋ mec êtu Jerusalem êtap biŋmalô saŋa. Êsêac taŋ têntac gêwiŋ aôm naŋ, sêmoa ŋajamgeŋ.

⁷Wama ênêc nêm tuŋbôm ŋalêlôm ma biŋmalô ênêc nêm andu ŋalêlôm.

⁸Aê gabe jasôm gebe “Biŋmalô êndêŋ aôm” êtu ŋoc lasitêwai to ŋoc ŋacŋa.

⁹Aê gabe jateŋ moasiŋ êtu aômŋa, êtu Apômtau, aêacnêŋ Anôtônê anduŋa.