Zebur 122:1-9

¹«Yuqirigha chiqish naxshisi» Ular manga: «Perwerdigarning öyige chiqayli» — déginide, Shadlandim.

²Putlirimiz derwaziliring ichide turushqa nésip boldi, i Yérusalém!

³I Yérusalém, sen jipsilashturulup retlik sélin'ghan bir sheherdursen;

⁴Qebililer u yerge chiqidu, Yahning qebililiri chiqidu; Israilgha bérilgen körsetme boyiche, Perwerdigarning namigha teshekkür éytish üchün chiqidu.

⁵Chünki u yerde höküm chiqirishqa textler sélindi, Dawutning jemetidikilerge textler sélindi.

⁶Yérusalémning aman-xatirjemlikini izdep dua qilinglar; Séni söygenler ronaq tapidu.

⁷Istihkamliring ichide aman-xatirjemlik bolsun, Ordiliring ichide awat-aramliq bolsun!

⁸Qérindashlirim hem yar-buraderlirim üchün, Men: «Aman-xatirjemlik ichingde bolsun» — deymen.

⁹Perwerdigar Xudayimizning öyi üchün, Séning ronaq tépishinggha intilimen!