Pesalem 119:115-121

¹¹⁵Amac lau secwaga, akac taôm sa naamoa jaêc. Aê gabe jamansaŋ ŋoc Anôtônê biŋsu.

¹¹⁶Ôpuc aê tôŋ êtôm biŋ, taŋ gôjac mata naŋ, gebe jamoa matoc jali. Aê kakêŋ matoc aôm, amboac tonaŋ ôŋgôm aê majoc êsa atom.

¹¹⁷Ôpuc aê tôŋ gebe jamoa ŋajam ma jamansaŋ aômnêm biŋsu endeŋ tôŋgeŋ.

¹¹⁸Aôm oc ôtiŋ lau samob, taŋ seo gala aômnêm biŋsu naŋ, siŋ gebe êsêac sêsau tauŋ ŋamelocŋageŋ.

¹¹⁹Lau samob, taŋ sêkac tauŋ su naŋ, aôm gôlic êsêac amboac gêŋ gambu. Ma aê tec têtac gêwiŋ biŋ, taŋ aôm kôdôŋ naŋ.

¹²⁰Aê katêc aôm e ôlilu gêli. Aê katêc tauc kêtu nêm mêtôcŋa.

¹²¹Aê kamasaŋ biŋ solop to biŋgêdêŋ kêtu tôŋ. Ôwi aê siŋ êndêŋ sêlêsutêna atom.