PE KORINI 6:14-17

¹⁴Kirasinge yamboma ‘Kirasi sike’ ningu naa pilimele yamboma kinie teluna tapu toko naa andoko, tapu toko kongono naa teko, bisinete tapu toko naa teangi.* Ulu pulu kerime kinie ulu sumbi nilime kinie liku tere lelko manda kongono tengeleye? Pa telimu kinie sumbulu tolimu kinie elte** nambe teko tapu toko molongeleye? ⸤Akumu paa kapola molo⸥ kene ⸤teluna tapu toko naa molangi.⸥

¹⁵Kirasi kinie kurumanga nomi tepa kenjili ⸤Setene⸥* kinie konopu teluna pupili molembeleye?** Kirasinge ungumu pilimele yamboma kinie Kirasinge ungumu naa pilimele yamboma kinie konopu telu sipe pelemoye?

¹⁶Pulu Yemo molemo ulke tembelemonga ulke suluminia kake teline kuru koyonge melema manda mengo puku popo tongeye?* Olio, konde molopa mindi puli Pulu Yemonga suluminia kake telimu molemolo,** yu olio kinie molemo kanumu. ⸤Yu kinie aku sipu molemolo⸥monga ungu te Pulu Yemone ou nirimu kanumu. Yuni nimbendo: “Na nanga yamboma kinie teluna tapu topo molopo, enenga suku singine molopo ene pea andomolo. Na enenga Pulu Yemo molombo; ene nanga yamboma molonge.”*** nirimu.

¹⁷⸤Ya nikiru⸥ akumunge ‘Ailimuni nimbendo: “⸤Ulsukundu yamboma kinie, we melema anjiku kapi ningu popo tolemele yamboma kinie,⸥ ene kinie teluna naa molko, munduku kelko puku kolea tenga lupe molopangi.”* “Kalaro mololi melema ⸤ulsukundu yambomane anjiku popo tolemele melema⸥ kinie ulu pulu keri pelemo melema kinie kanuma naa ambolko, aku melema kinie ulu te naa teai.”** “Naa ambolonge kinie nane “Molamili wai.” nimbu ene yando limbu.”***