14Pigoya, kampa imatiti punta kina'migeba ka kina kanta pumaba a-mpiyiyo. We, ayama antage'enambe arupuyenamabe ka'enaba pukiye, a. Kampaye. Ayama e'wasaenamabe tununtanamabe ka'enaba pukiye, a. Pipa kampaye.
15Piya, ayama Karaisitige kewamageba napiyenawaisipa ka'masa puma mikibese, a. Kampaye. We, ayama amatiti pemi'nabe kampa pemi'nabe isigupa ka'masa puma mikibese, a. Pipa kampaye.
16Piya, ayama Koti mpono namake ama kotigeba maema atokaekibese, a. Pipa kampaye. Abiyo. Miyaba Koti mpono namapa pipa taewe. Pika Kotiba maya untiye: Naeba igege mima, ige ikapi nasikuwe, iye. Piya pumagi, ige Koti miyekini igeba nae tu mpikibewe, iye.
17Piya, abe'isa kinapa igaitegiri aota miyiyo, Wa'egawama naba piya yuwe, iye. Piya, i'nintanaba a-mpaema miyigi, naene tibabeno, iye.
2 KORINTI 6
2 KORINTI 6:14-17