2 Corinth vene 6:14-17

¹⁴Mokena vari gira de aededi vene vakoisa moi kake ga ribifa. Ini adina mokena rorobo vene bi gokai ago gira de neidededi venesa auta regedi? O vabara vene bi gokai mukuna venesa auta regedi?

¹⁵Ye gokai dudu Keriso bi Belial sa mokena moi yokoi maka rigo? O mokena vari gira aedo amiye bi mokena vari gira de aedo amiyesa beika rau rego?

¹⁶Ye gokai dudu Sei nivakena yava ma ofa sei bi mokena moi yokoi maka rigedi? Ini adina una bi Sei vegu amedo nivakena yava kana, ye Sei yaku yomakai niyo: “Na yaku ina venesa nai ameida yava risi inasa diga boga rebigida; Na ina vene di Sei nigida ma ina bi nai vene nigedi.”

¹⁷Varika amiye ka niyo, “Mina dada ina vene feresi ina rofu ya kaya moi gaima rifa. Beika baika bi kino avaka moina ga refa, ye na yaku ya afei dui regida, vo niyo.