Olcueih 31:16-30

¹⁶Khohmuen te a mangtaeng tih, amah kutci neh a lai. Misur khaw a tue rhoe la a tue coeng.

¹⁷A cinghen te sarhi neh a yen tih, a bantha khaw a huel.

¹⁸A thimpom kah a then te a ten tih, khoyin, khoyin ah a hmaithoi khaw thi tlaih pawh.

¹⁹Cunghmui te a kut a yueng thil tih, a kutbom neh tahcap a cap.

²⁰A kutpha loh mangdaeng a koihlawm tih, a kut te khodaeng hamla a yueng pah.

²¹A imkhui boeih loh pueinak a lingdik neh a om dongah, vuel tue ah khaw, a imkhui ham rhih voel pawh.

²²Hniphaih te amah ham a tah tih, a hnitang neh daidi pueinak khaw om.

²³A boei te vongka ah a ming uh tih, khohmuen kah a ham rhoek taengah a ngol sak.

²⁴Hni a tah te a yoih tih, lamko te Kanaan taengah a thak.

²⁵Sarhi neh rhuepomnah te a pueinak nah tih, hmailong khohnin ah cupcup nuei.

²⁶A ka te cueihnah neh a ang tih, a lai dongah sitlohnah olkhueng om.

²⁷A imkhui ah rhoilaeng khaw a pai tih, thangak buh khaw ca pawh.

²⁸A ca rhoek loh a thoh hang neh anih te a uem uh tih, a boei long khaw anih te a thangthen bal.

²⁹Huta rhoek loh tatthai la muep a saii uh. Tedae nang long tah amih te a sola boeih na poe coeng.

³⁰Mikdaithen khaw a honghi ni. Sakthen nu khaw a honghi la om. BOEIPA a rhih dongah ni anih te a thangthen.