Olcueih 21:16-30

¹⁶Hlang aka cangbam kah longpuei lamloh kho aka hmang hlang tah, sairhai kah hlangping lakli ah duem.

¹⁷Kohoenah aka lungnah aih khaw hlang kah a tloelnah la poeh tih, misurtui neh situi aka lungnah khaw boei mahpawh.

¹⁸Halang te hlang dueng ham, hnukpoh te aka thuem ham tlansum la om.

¹⁹Hohmuhnah, konoinah neh yuu taengah olpungkacan la om lakah tah, khosoek khohmuen ah khosak he then ngai.

²⁰Hlang cueih tolkhoeng kah thakvoh neh situi tah a naikap dae, hlang ang long tah te te a yoop.

²¹Duengnah neh sitlohnah aka hloem long tah, duengnah neh thangpomnah dongkah hingnah te a dang ni.

²²Hlangrhalh rhoek kah khopuei te hlang cueih pakhat long ni a paan tih, a sarhi la a pangtungnah uh khaw a phil pah.

²³A ol a ka aka tuem long tah, a hinglu te citcai khui lamkah a hoep a tlang.

²⁴Thinlen, moemlal, a ming ah hmuiyoi long tah, thinpom althanah neh a saii.

²⁵A kut loh a saii ham a aal dongah kolhnaw kah hoehhamnah loh amah a duek sak ni.

²⁶Hnin takuem ah hoehhamnah te a ngaidam dae, aka dueng long tah a paek phoeiah khaw a hnaih moneih.

²⁷Halang kah hmueih he tueilaehkoi ti bal vaengah, khonuen rhamtat la a khuen bal pueng.

²⁸Laithae kah laipai tah paltham vetih, aka hnatun hlang long ni a thui yoeyah eh.

²⁹Halang loh a mikhmuh dawk neh hlang a tanglue sak. Tedae aka thuem long tah a long, long ah a rhuep tih a yakming.

³⁰BOEIPA aka tlai thil thai cueihnah khaw om pawh, lungcuei khaw om pawh, cilsuep khaw om thai pawh.