Ninaedi rina Tinoni 26:5-64

⁵Sa butubutu te Rubeni (Rubeni si na tuna koreo kenuna e Zekopi): sari na tuna Hanoki, Palu,

⁶Hezironi, meke Kami.

⁷Sari na vinarigaraedi si ari ka made ṉavulu ṉeta tina zuapa gogoto toloṉavulu tie varipera.

⁸Sa tuna Palu si e Eliabi,

⁹meke sari na tuna Eliabi si ari Nemuela, Datani, meke Abirami. (Datani meke Abirami hire sari karua pu lopu hiva nia sa tinuraṉa te Mosese meke Eroni, meke somana koasa puku tie te Kora.

¹⁰Ta viqala sa pepeso meke ta onolo toa beto si arini, meke mate turaṉae beto koe Kora meke saripu luli koa sa, sipu sulu va mate betoi na nika sari ka karua gogoto lima ṉavulu tie. Ta evaṉae na vina balau koari na tinoni si arini.

¹¹Ba sari na tuna e Kora si lopu mate.)

¹²Sa butubutu te Simione: sari na tuna si ari Nemuela, Zamini, Zakini,

¹³Zera, meke Saulu.

¹⁴Sari na vinarigaraedi rini si ari ka hiokona rua tina karua gogoto tie varipera.

¹⁵Sa butubutu te Qadi: sari na tuna si ari Zepone, Hagi, Suni,

¹⁶Ozini, Eri,

¹⁷Arodi meke Areli.

¹⁸Sari na vinarigaraedi si ari ka made ṉavulu tina lima gogoto tie varipera.

¹⁹Sa butubutu te Ziuda: sari na tuna si ari Sela, Perezi, Zera, Hezironi meke Hamulu. (Karua tuna Ziuda, ari Eri meke Onani si mate pa popoa Kenani.)

²²Sari na vinarigaraedi rini si ari ka zuapa ṉavulu onomo tina lima gogoto tie varipera.

²³Sa butubutu te Isaka: sari na tuna si ari Tola, Pua,

²⁴Zasubi meke Simironi.

²⁵Sa vinarigaraedi rini si ari ka onomo ṉavulu made tina ṉeta gogoto tie varipera.

²⁶Sa butubutu te Zeboloni: sari na tuna si ari Seredi, Eloni, meke Zalili.

²⁷Sa vinarigaraedi rina butubutu Zeboloni si ari ka onomo ṉavulu tina lima gogoto tie varipera.

²⁸Sa butubutu te Zosepa: karua sari na tuna koreo, ari Manase meke Iparemi.

²⁹Butubutu te Manase: sari na tuna si ari Makiri si na tamana Qileadi.

³⁰Sari na tuna e Qileadi si Iezera, Heleki

³¹Asirieli, Sekemi,

³²Semida, meke Hepera.

³³Se Zelopehadi sa tuna koreo e Hepera, si loke tuna koreo, ba koba vineki mo; sari pozadi si ari Mala, Noa, Hoqola, Milika, meke e Tiriza.

³⁴Sa vinarigaraedi si ari ka lima ṉavulu rua tina zuapa gogoto tie varipera.

³⁵Butubutu te Iparemi sari na tuna si ari Sutela, Beka meke Tahani

³⁶Sa pinodo te Erani si gore mae gua koe Sutela.

³⁷Sa vinarigaraedi si ari ka toloṉavulu rua tina lima gogoto tie varipera. Arini sari na pinodo saripu gore mae gua koe Zosepa.

³⁸Sa butubutu te Benisimane: sari na tuna si ari Bela, Asibeli, Ahiramu,

³⁹Sepupama, meke Hupami.

⁴⁰Sari na tuna e Aradi meke Neamani si gore mae gua koe Bela.

⁴¹Sa vinarigaraedi si ari ka made ṉavulu lima tina onomo gogoto tie varipera.

⁴²Sa butubutu te Dani: sari na tuna si e Suhami.

⁴³Sa vinarigaraedi si ari ka onomo ṉavulu made tina made gogoto tie varipera.

⁴⁴Butubutu te Asa: Sari na tuna Imina, Isivi, meke Beria.

⁴⁵Sari na tudia ri Hebere meke Malakiele si gore mae guadi koe Beria.

⁴⁶Asa si keke tuna vineki pozana e Sera.

⁴⁷Vinarigaraedi rini si ari ka lima ṉavulu tina made gogoto tie varipera.

⁴⁸Sa butubutu te Napitalai: sari na tuna si ari Zazili, Guni,

⁴⁹Zezera, meke Silemi.

⁵⁰Sa vinarigaraedi si ari ka made ṉavulu lima tina made gogoto tie varipera.

⁵¹Sa vinarigaraedi ri doduru tie Izireli si ari ka onomo gogoto eke tina zuapa gogoto toloṉavulu:

⁵²Zama se Zihova koe Mosese,

⁵³“Mu paqaha poni pepeso sari na butubutu, koari hopeke dia pada.

⁵⁴Pana va hia i gamu sari na pepeso si mamu mudumudukeda ni. Sari na pepeso nomadi si kaqu poni lani gamu koari na butubutu nomadi, saripu hitekedi si koari na butubutu hitekedi.”

⁵⁷Sari na puku tatamana te Qerisoni, Kohati meke Merari si koa pa korapana sa butubutu te Livae.

⁵⁸Sari na pinodopodo tadi rina puku tatatamana hire, si ari Libini, Heboroni, Mahili, Musi, meke Kora si somanae tugo koasa butubutu asa. Meke se Kohati hie si na tamana Amaramu,

⁵⁹pu habana sa tuna vineki e Zokebedi. E Zokebedi si podo pa popoa Izipi. Zokebedi meke Amaramu si podoi sari ka ṉeta tuna: karua koreo ari Mosese, e Eroni, meke se Miriami, sa tasidia vineki.

⁶⁰Se Eroni si ka made tuna koreo, ari Nadabi, Abihu, Eleaza, meke Itamara.

⁶¹Ari Nadabi meke Abihu si mate sina va vukivukihi la nia ri karua koe Zihova, sa nika sapu lopu madina.

⁶²Sari na tie na koreo saripu podo koasa butubutu Livae, pu keke sidaradi babe hola si ari ka hiokona ṉeta tina. Sa ninaedi sari na tie hire si lopu ta nae varihenie koari na tinoni Izireli, sina lopu ta paqaha poni pepeso si arini pa popoa Izireli.

⁶³Sari na puku tie hire si ta nae gore koari Mosese e Eleaza, totoso naei rini sari na tinoni Izireli koasa pezara pa Moabi, sipu mae si arini koasa pezara pa Moabi pa kali karovona sa Ovuku Zodani tata pa Zeriko.

⁶⁴Namu lopu keke koari na tie hire si ta nae totoso ta nae sari na tie Izireli pa popoa qega pa Saenai.