Ni Gi 2:10-32

¹⁰Na tabeke mule puru, a kabu ne Reuben ri gi vakapesi a kape ne ria tabukoi na kilakila ne ria. A nupesi ne ria e Elisur, e tune Sedeur.

¹¹A tara vona ri ala 46,500.

¹²Tabukoi ne ria a kabu ne Simion. A nupesi ne ria e Selumiel, e tune Surisadai.

¹³A tara vona ri ala 59,300.

¹⁴Muri ne ria, a kabu ne Gad. A nupesi ne ria e Eliasap, e tune Ruel.

¹⁵A tara vona ri ala 45,650.

¹⁶Ra mada ne Reuben, a kabu i tolu nga, ri ala 151,450. Na tahuna ni laho, ri gi pahamuri a maka kabu na mada muga, ra kabu ne Iuda.

¹⁷Na tahuna ri laho ri gi vakabebe ri gi vakasiri a kilakila ne ria. E huriki na kabu ne Levi ri gi kaloho a mahalana Kape na Vaponga ge laho na kurukuruna. A kabu ranga ri gi laho ramai a muri ne ria ri made vona na mada.

¹⁸Na tabeke na nirolona haro a kabu ne Epraim ri gi vakapesi a kape ne ria tabukoi na kilakila ne ria ge ramai a tara ne ria. A nupesi ne ria e Elisama, e tune Amihud.

¹⁹A tara vona ri ala 40,500.

²⁰Tabukoi ne ria a kabu ne Manase. A nupesi ne ria e Gamaliel, e tune Pedasur.

²¹A tara vona ri ala 32,200.

²²Muri ne ria a kabu ne Bensamin. A nupesi ne ria e Abidana, e tune Gideoni.

²³A tara vona ri ala 35,400.

²⁴A kabu nga i tolu, ri made na mada ne Epraim ri ala 108,100. Na tahuna ri laho ri gi pahamuri a maka kabu na mada ne Reuben.

²⁵Na tabeke mule sike a mada ne Dan. A kabu ne Dan ri gi hae a kape ne ria tabukoi na kilakila ne ria. A nupesi ne ria e Ahieser, e tune Amisadai.

²⁶A tara vona ri ala 62,700.

²⁷Tabukoi ne ria a kabu ne Aser. A nupesi ne ria e Pagiel, e tune Okran.

²⁸A tara vona ri ala 41,500.

²⁹Muri ne ria a kabu ne Naptali. A nupesi ne ria e Ahira, e tune Enan.

³⁰A tara vona ri ala 53,400.

³¹A kabu nga ri made na mada ne Dan ri ala 157,600. Na tahuna ni laho ri gi laho na iku, ri gi ramai a kilakila ne ria.

³²Iea e huriki a Israel ni gi palupu lobo i ramai a kabu ne tamane ria. Ni gi palupu lobo e huriki na mada takutaku i ramai a tara ne ria, ri ala 603,550.