Ni Gi 26:1-61

¹Muri na gilanga dagi i lobo, e BAKOVI DAGI i taki e Moses, e Eleasar e tune Aron a prister, i ta maea,

²“Ngane muru here puru a rane huriki a bakovi ne huriki a kabu lobo ne Israel ri tahoka a pida i ravulu rua i rike, ri kara ni vaubi, ge ria a nugumaheto ne Israel.”

³Na maloku ne Moab na dahane Iordan tabukoi na tanga e Ieriko, e Moses e Eleasar a prister ru taki e huriki a Israel ru ta maea,

⁴“Mu bole a rane huriki a bakovi ri tahoka a pida i ravulu rua i rike, ge ramaia a nitane BAKOVI DAGI i habia ne Moses.” Re huriki a Israel ri mariu tala o Egipto, ni gi palupu ra nga:

⁵E huriki a hamone Reuben a tabua ne Israel ra nga: a kabu ne Hanok, a kabu ne Palu,

⁶a kabu ne Herson, a kabu ne Karmi.

⁷Ra kabu ne Reuben nga, ri vakabele e huriki ri ala 43,730.

⁸E Eliab e tune Palu bakovi.

⁹E huriki e tune Eliab a bakovi ra nga: e Nemuel, e Datan, e Abiram. Hosi e huriki a Israel ri ru e Datan, e Abiram ru matakari, pali ru longotaro a nitane Moses e Aron. Ra bakovi nga, turana a tara ne Kora, ri longotaro e BAKOVI DAGI.

¹⁰Lakea a malala i mapoka i bele a lovo dagi, to boru puru na lilona malala, lakea a malala i kavitagu tou. To mate na tahuna a kanono i ratapile e huriki a turane Kora ri ala 250, i manga a kilakila. Na naro iea kunana a Vure i habi a niluhoi dagi ne huriki, nahea ri gi ramai a naro hale nga.

¹¹Pali a kabu ne Kora i uka ma i lobo.

¹²E huriki a hamone Simion ra nga: a kabu ne Nemuel, a kabu ne Iamin, a kabu ne Iakin,

¹³a kabu ne Sera, a kabu ne Saul.

¹⁴Ra kabu ne Simion nga ri vakabele e huriki a bakovi ri ala 22,200.

¹⁵E huriki a hamone Gad ra nga: a kabu ne Sepon, a kabu ne Hagi, a kabu ne Suni,

¹⁶a kabu ne Osni, a kabu ne Eri,

¹⁷a kabu ne Arod, a kabu ne Areli.

¹⁸Ra kabu ne Gad nga, ri vakabele e huriki a bakovi ri ala 40,500.

¹⁹E Er, e Onan e tune Iuda, pali ru mate o Kenan.

²⁰E huriki a hamone Iuda ra nga: a kabu ne Sela, a kabu ne Peres, a kabu ne Sera.

²¹E huriki a hamone Peres ra nga: a kabu ne Hesron, a kabu ne Hamul.

²²Ra kabu ne Iuda nga ri vakabele e huriki a bakovi ri ala 76,500.

²³E huriki a hamone Isikar ra nga: a kabu ne Tola, a kabu ne Puva, a kabu ne Iasup, a kabu ne Simron. Ra kabu ne Puvi ri vunu mule ria e Pun.

²⁵Ra kabu ne Isikar nga ri vakabele e huriki a bakovi ri ala 64,300.

²⁶E huriki a hamone Sebulun ra nga: a kabu ne Sered, a kabu ne Elon, a kabu ne Ialil.

²⁷Ra kabu ne Sebulun nga, to vakabele e huriki a bakovi ri ala 60,500.

²⁸E huriki a hamone Iosep i ramai a kabu ne ria ri bele ne Manase rua e Epraim ra nga:

²⁹E huriki a hamone Manase ra nga: e Makir, e tune Manase e tamane Gilead. E huriki a hamone Gilead ra nga: a kabu ne Ieser, a kabu ne Helek,

³¹a kabu ne Asriel, a kabu ne Sekem,

³²a kabu ne Semida, a kabu ne Heper.

³³E Selopehad, e tune Heper bakovi, i uka e tuna ga bakovi. I tahoka kunana e tuna ngatavine. A rane ria ra nga: e Mala, e Noa, e Hoglah, e Milka, e Tirsa.

³⁴Ra kabu ne Manase nga, ri vakabele e huriki a bakovi ri ala 52,700.

³⁵E huriki a hamone Epraim ra nga: a kabu ne Sutela, a kabu ne Beker, a kabu ne Tahan.

³⁶A kabu ne Eran ria a hamone Sutela.

³⁷Ra kabu ne Epraim nga, ri vakabele e huriki a bakovi ri ala 32,500. A kabu ne Manase a kabu ne Epraim, ru vuhuna ne Iosep.

³⁸E huriki a hamone Bensamin ra nga: a kabu ne Bela, a kabu ne Asbel, a kabu ne Ahiram,

³⁹a kabu ne Sepupam, a kabu ne Hupam.

⁴⁰E Ard, e Naman, rua e tune Bela.

⁴¹Ra kabu ne Bensamin nga, ri vakabele e huriki a bakovi ri ala 45,600.

⁴²E huriki a hamone Dan ri tahoka a kabu i taku kunana, ra kabu ne Suam.

⁴³Ra kabu iea i vakabele e huriki a bakovi ri ala 64,400.

⁴⁴E huriki a hamone Aser ra nga: a kabu ne Imna, a kabu ne Isvi, a kabu ne Beria.

⁴⁵A hamone Beria ra nga: a kabu ne Heber, a kabu ne Malkiel.

⁴⁶E Aser i tahoka e tuna ngatavine a rana e Sera.

⁴⁷Ra kabu ne Aser nga, ri vakabele e huriki a bakovi ri ala 53,400.

⁴⁸E huriki a hamone Naptali ra nga: a kabu ne Iasiel, a kabu ne Guni,

⁴⁹a kabu ne Ieser, a kabu ne Silem.

⁵⁰Ra kabu ne Naptali nga, ri vakabele e huriki a bakovi ri ala 45,400.

⁵¹E huriki a Israel a bakovi ni gi palupu lobo, ri ala 601,730.

⁵²Muri e BAKOVI DAGI i takia e Moses i ta maea,

⁵³“O veru a malala na kabu takutaku ne Israel.

⁵⁴Mu rehi na rihiva na satu mu veru a tabekena malala. O habi a malala dagi vona na kabu i tahoka a tara i kupo, o habi a malala kiroko vona na kabu a tara vona i uka ma i kupo hateka, ge ramai a vuhuna kabu takutaku.

⁵⁷E huriki a hamone Levi ra nga: a kabu ne Gerson, a kabu ne Kohat, a kabu ne Merari,

⁵⁸turana a kabu ne Libni, a kabu ne Hebron, a kabu ne Mali, a kabu ne Musi, a kabu ne Kora. E Kohat e tamane Amram.

⁵⁹E Amram i parangi e Iokebet, a ngatavine na kabu ne Levi, ni poda na tahuna ri tababana ni made o Egipto. E Iokebet i poda e Aron e Moses, e kurabane rua e Miriam.

⁶⁰Muri e Aron i parangi, i vakabele e tuna bakovi ri ala va: e Nadap, e Abihu, e Eleasar, e Itamar.

⁶¹Pali e Nadap e Abihu ru mate na tahuna ru bolea a kanono ru habia ne BAKOVI DAGI, na tahuna e BAKOVI DAGI i uka ma i taki rua ru gu ratea.