Namba 24:10-14

¹⁰Navong Balak raengon selusien onen Balaam, pulin hen en vurohien ka viteni mini vit, “!Navisok kovasesenda en koakeil avi vativieh minau, ka avong etel ekek, keik korokol kat keil!

¹¹!Keitinek, kiha ris teim! Inau navat kati nisan uite minuk, ka Iahova sakinuk kosakras kovakuri.”

¹²Balaam vit kesi mini vit, “Inau naviteni tuai min eiloheh keil onom koa kosila keil umai venau keke

¹³avaseini kisani minau silva ka gol vasi keil koa mul en mari eim omom, inau nasakras malong ras mengkatien onen Iahova. Anatin, nasakras moumon etai tounah koa tahos vuo tisa inau sasok enges, ka nakilea nihiten asas koa Iahova viteni minau mahiteni.”

¹⁴Evus, Balaam viteni min Balak vit, “Kosa, inau niha ris ven meatin onak keil. Ka hekatau niha, inau nisan selkatien minuk usil asa koa me-Isrel keil umoni min meatin keil onom en avong koa veite veah.”