NÚMEROS 26:8-35

⁸Huan Falú quipixqui itelpoca cati itoca Eliab.

⁹Huan itelpocahua Eliab elque Nemuel, Datán huan Abiram Huan Datán huan Abiram elque nopa tacame cati mosejcotilijque huejcajquiya ihuaya Coré huan quichijque cati fiero iixpa TOTECO, huan ica Moisés huan Aarón.

¹⁰Huan motapo tali huan quintolo ni ome tacame ihuaya Coré. Nojquiya ipan nopa tonali TOTECO quinmicti ica tit 250 masehualme cati quintoquiliyayaj. Nochi ya ni elqui se hueyi ejemplo para nochi nopa israelitame cati mocajque.

¹¹Pero ipan nopa tonali itelpocahua Coré amo itztoyaj ihuaya inintata huan amo mijque.

¹²Simeón, iompa telpoca Israel, huejcajquiya quinpixqui macuilti itelpocahua: Nemuel, Jamín, Jaquín, Zera huan Saúl. Huan ininteipan ixhuihua sesen ten ni tacame mochijque huejhueyi familias. Iteipan ixhuihua Nemuel mochijque nopa nemuelitame. Iteipan ixhuihua Jamín mochijque nopa jaminitame. Iteipan ixhuihua Jaquín mochijque nopa jaquinitame.

¹³Iteipan ixhuihua Zera mochijque nopa zeraitame. Iteipan ixhuihua Saúl mochijque nopa saulitame.

¹⁴Huan ipan nopa tonali quema quinpojque cati itztoyaj ipan nochi familias ten iteipan ixhuihua Simeón, quinpojque 22 mil 200 tatehuijca tacame.

¹⁵Gad, itelpoca Israel, huejcajquiya quinpixqui chicome itelpocahua: Zefón, Hagui, Suni, Ozni, Eri, Arod huan Areli. Huan ininteipan ixhuihua sesen ten ni tacame mochijque familias huejhueyi. Iteipan ixhuihua Zefón mochijque nopa zefonitame. Iteipan ixhuihua Hagui mochijque nopa haguitame. Iteipan ixhuihua Suni mochijque nopa sunitame.

¹⁶Iteipan ixhuihua Ozni mochijque nopa oznitame. Iteipan ixhuihua Eri mochijque nopa eritame. Iteipan ixhuihua Arod mochijque nopa aroditame.

¹⁷Iteipan ixhuihua Areli mochijque nopa arelitame.

¹⁸Huan ipan nopa tonali quema quinpojque cati itztoyaj ipan nopa familias ten iteipan ixhuihua Gad, quinpojque 40 mil 500 tatehuijca tacame.

¹⁹Judá, itelpoca Israel, huejcajquiya quinpixqui ome itelpocahua cati inintoca Er huan Onán. Inijuanti mijque nimantzi ipan nopa tali Canaán.

²⁰Pero teipa Judá nojquiya quinpixqui sequinoc eyi itelpocahua: Sela, Fares huan Zera. Huan ininteipan ixhuihua sesen ten ni tacame mochijque huejhueyi familias. Iteipan ixhuihua Sela mochijque nopa selaítame.

²¹Iteipan ixhuihua Fares mochijque nopa faresitame. Iteipan ixhuihua Zera mochijque nopa zeraitame. Huan Judá itelpoca cati itoca Fares quinpixqui ome itelpocahua, Hezrón huan Hamul cati mochijque nopa hezronitame huan nopa hamulitame.

²²Huan ipan nopa tonali quema quinpojque cati itztoyaj ipan nopa familias ten iteipan ixhuihua Judá, quinpojque 76 mil 500 tatehuijca tacame.

²³Isacar, itelpoca Israel, huejcajquiya quinpixqui nahui itelpocahua: Tola, Fúa, Jasub huan Simrón. Huan ininteipan ixhuihua mochijque familias huejhueyi. Iteipan ixhuihua Tola mochijque nopa tolaitame. Iteipan ixhuihua Fúa mochijque nopa fuanitame.

²⁴Iteipan ixhuihua Jasub mochijque nopa jasubitame. Iteipan ixhuihua Simrón mochijque nopa simronitame.

²⁵Huan ipan nopa tonali quema quinpojque cati itztoyaj ipan nopa familias ten iteipan ixhuihua Isacar, quinpojque 64 mil 300 tatehuijca tacame.

²⁶Zabulón, itelpoca Israel, huejcajquiya quinpixqui eyi itelpocahua: Sered, Elón huan Jahleel. Huan ininteipan ixhuihua sesen ten ni tacame mochijque huejhueyi familias. Iteipan ixhuihua Sered mochijque nopa sereditame. Iteipan ixhuihua Elón mochijque nopa elonitame. Iteipan ixhuihua Jahleel mochijque nopa jehleelitame.

²⁷Huan ipan nopa tonali quema quinpojque cati itztoyaj ipan nopa familias ten iteipan ixhuihua Zabulón, quinpojque 60 mil 500 tatehuijca tacame.

²⁸José, itelpoca Israel, huejcajquiya quinpixqui ome itelpocahua: Manasés huan Efraín.

²⁹Ten Manasés quisqui ome familias huejhueyi. Se quisqui ten itelpoca cati itoca Maquir. Huan iteipan ixhuihua mochijque nopa maquiritame. Huan nopa se hueyi familia quisqui ten itelpoca cati itoca Galaad cati elqui itelpoca Maquir. Huan iteipan ixhuihua Galaad mochijque nopa galaaditame.

³⁰Huan itelpoca Galaad cati itoca Jezer, iteipan ixhuihua mochijque nopa jezeritame. Huan itelpoca Galaad cati itoca Helec, iteipan ixhuihua mochijque nopa helequitame.

³¹Huan itelpoca Galaad cati itoca Asriel, iteipan ixhuihua mochijque nopa asrielitame. Huan itelpoca Galaad cati itoca Siquem, iteipan ixhuihua mochijque nopa siquemitame.

³²Huan itelpoca Galaad cati itoca Semida, iteipan ixhuihua mochijque nopa semidaitame. Huan itelpoca Galaad cati itoca Hefer, iteipan ixhuihua mochijque nopa heferitame.

³³Hefer quipixqui itelpoca cati itoca Zelofehad, pero yaya amo quipixqui yon se itaca cone. Zelofehad san quinpixqui iichpocahua cati inintoca: Maala, Noa, Hogla, Milca huan Tirsa.

³⁴Huan ipan nopa tonali quema quinpojque cati itztoyaj ipan nopa familias ten iteipan ixhuihua Manasés, quinpojque 52 mil 700 tatehuijca tacame.

³⁵Efraín, cati itelpoca José, quinpixqui eyi itelpocahua: Sutela, Bequer huan Tahán. Huan ininteipan ixhuihua sesen ten ni tacame mochijque familias huejhueyi. Iteipan ixhuihua Sutela mochijque nopa sutelaítame. Iteipan ixhuihua Bequer mochijque nopa bequeritame. Iteipan ixhuihua Tahán mochijque nopa tahanitame.