Mitiyegec 91:12-16

¹²Ge haniga hocngo heibacac yeneng maringina witiau faiguma sesehegugecde.

¹³Ge raiong yangtoa witiau nga kpate witingirau eng tikemma raiong sebigbori nga boidzocac witingirau tima tidzameyununade.

¹⁴Kebungo yofi dede, “Ye neac songo negemma nigoc kpeketahema kecdeac ebicfunac mesibade. Ye neac kpac kuneng negendeac neng henggareng amma ongonggebade.

¹⁵Ye kpacnuu ni turunga meremmibade. Ye ebic witiau kefu ni yegoc kecma ebicfunac mesima eweheihei ammibade.

¹⁶Ni kekeha mehereeba kecma gebeckpeu memengerecna edzahabade.”