MII GUN MIINU MO 27:13-17

¹³Dhali ki ’tham gi ’ban ma biny cam poshki’d ki p̱uyii p̱uyii mo tani uni ṯoshkin ki uni gamki to jin di uni ibwa mo tani uni buḵkina ḵar ’kup̱ toŋḵuthu’d jin ṯelki’da ḵur yi’de/ mo dhali uni iikin mo eya ḵur yi’de/ jin bela ’tham mo mmota ga gap̱ gi Paŋ Kariiṯ ki me’d mo ki sule/ sule/ ki ’dish ’dish mo.

¹⁴Hili ŋ’ko’di mo jin ’konu ki rash rash mo tani ’tham biṯkunu ’peni a’di jin mii’d ki ji wuṯul mo jin yuḵu ka Urukliduun mo.

¹⁵Dhali ka ḵur bu’thkunu mo tani a’di moli ya ibwambor ’tham mo tani am c̱ikina a’di bway mo dhali am borkunu mo be.

¹⁶Dhali mmosona aman mo mmosheshela gap̱ ma ara uḵ ma ’cesh jin yuḵkunu gway ka Kalawdi mo tani aman misha ḵur bu’th ki mom’bi’th ki mii jin diṯadiṯ mo.

¹⁷Dhali ki uni yu’dki a’di ki mis mo tani uni miiki to woṯẖ mo mmohakam is ma ḵur mo ki ton deḵ mo dhali mmoḵo/ ka uni is mo ki uni minu ’taki biṯ ap̱o/ mo ma Sirṯis mo tani uni ’cuḵki burrinye/ ma ḵur jin bela ’tham mo dhali wakan uni ’kokunu mo mmobor mo be.