Mga Salmo 35:9-13

⁹Apan magmalipayon ako diha kang Yahweh ug magmaya sa iyang kaluwasan.

¹⁰Ang tanan nakong kabukogan moingon, “Yahweh, kinsa gayod ang sama kanimo, nga maoy magaluwas sa mga dinaugdaog gikan niadtong mga gamhanan ug ang kabos ug nanginahanglan gikan niadtong mangawat kanila?”

¹¹Ang dili matarong nga mga saksi mibarog; nagpasangil sila ug bakak batok kanako.

¹²Gibalosan nila ug daotan ang akong pagkamaayo. Nagmasulub-on ako.

¹³Apan, sa dihang nagsakit sila, nagbisti ako ug sako; nagpuasa ako alang kanila ug giduko ko ang akong ulo.