Mga Kawikaan 5:11-16

¹¹Sa katapusan ng inyong buhay kayo ay dadaing kapag ang inyong laman at inyong katawan ay nabulok.

¹²Sasabihin ninyo, “Kinapopootan ko ang disiplina at hinamak ng aking puso ang pagtatama!

¹³Hindi ako sumunod sa aking mga guro o nakinig sa aking mga tagapagturo.

¹⁴Malapit na akong ganap na masira sa gitna ng kapulungan, sa pagtitipon ng mga tao.”

¹⁵Uminom ng tubig mula sa inyong sariling sisidlan, at uminom ng bukal na tubig mula sa inyong sariling balon.

¹⁶Dapat bang ang inyong mga bukal ay umapaw sa lahat ng dako, at ang inyong mga batis ng tubig ay umagos sa mga liwasang-bayan?