MELKAHKA KAN 9:3-9

³Ei imwintihti kan kin tangdoaui ni omwi kin ketido; re kin pwupwudi oh mehla.

⁴Komw me kin ketin mehlel oh pwung ni omwi kadeik kan, komw ketin kadeikadahr ei pwung.

⁵Komw ketin kalokeier me rotorot akan oh ketin kamwomwalahr aramas suwed kan; solahr me pahn taman irail.

⁶At imwintihti kan sohralahr; komwi me ketin kamwomwala ar kahnimw kan, solahr me taman irail douluhl.

⁷Ahpw KAUN-O iei nanmwarki poatopoat; e ketin koasoanedier sapwellime mwoalen kopwung.

⁸E ketin kakaun sampah ni pwung; e kin ketin kapwung wehi kan ni kadeik pwung.

⁹Rehn KAUN-O iei wasahn ruk ong me toutoulahr akan, iei wasahn rukula ni ahnsou apwal.