Y Salmo Sija 9:3-9

³Anae y enimiguja unnabira sija tate: manbasnag, ya manmalingo gui menamo.

⁴Sa jago fumatinas y jinasoco yan y causaco: unfatachong gui trono, ya unjusga y tinas.

⁵Guinin unlalatde y nasion sija, guinin unyulang y manaelaye, guinin unfunas y naanñija para siempre taejinecog.

⁶Esta malachae y enimigo; esta mayulang para siempre: yan y siuda ni y inyilang, y jinasoñija manachamalingo yan sija.

⁷Ya si Jeova sumaga calang ray para siempre, ya janalisto y tronuña para usentensia.

⁸Ya güiya jumusga y tano ni tininas, ujajusga y taotao sija yan y minagajet.

⁹Ya si Jeova locue y taquilo na tore para y manmachiguit, y taquilo na tore gui tiempon chinatsaga.