Mbouŋ to Yes Israela 89:7-11

⁷Sawa to yes daba to aŋela patabuaŋa tilup di pa savsaveeŋ izi ndug sambam, yes tiyoon luvutin ghom, ve timatughez ve tapait ghom. Pasa, tapirim tiina, ve ulib padi kat.

⁸Yoova, yom Maaron ariaŋam kat, ve uŋgin mbeb tisob. Sei tapiri tiina kat inimale yom? Eta maau. Ve yom utortoor ŋgar tiom maau. Moghon moghon, utataghon saveeŋ mbuaaŋ tiom.

⁹Yom to uŋgin te. Ighaze yaghur tiina imundig, ve ipei dibom tintina, yom irau ugham dibom imaat, ve taun izi.

¹⁰Muuŋ kat, yom urab balagin Rahab daba ve imaat. Nimam pataŋani. Tauto urab matin koiamŋa, ve ureu mbirisan di tighau.

¹¹Sambam ve taan, nene tiom. Pasa, yom to ughur di toman mbeb tisob to tineep ila.