Mbouŋ to Yes Israela 78:6-9

⁶Leso yes paam tiwatagi, ve anadi tisavia pa ndinatudi, ve iseeŋga tovene itaghoni taghoni gha ila.

⁷Ighaze tigham tovene, papaghu todi irau lolodi imaagh pa uraat tintina to Maaron igham di ne maau. Ve yes pale tinumeera, ve matadi iŋgal tutuuŋ toni, ve titaghoni.

⁸Leso tigham ŋgar inimale nditimbudi sob. Pasa nditimbudi, ŋgar todi iyaryaaŋ kat. Lolodi pa titoor ŋgar todi maau. Moghon moghon tighamgham didiaaŋ, ve tizorzoor Maaron aliŋa. Lolodi ineep tuŋia ila toni maau. Ve saveeŋ to yesŋa Maaron timbua, titaghoni maau.

⁹Papaghu to Epraim, yes tiraua kat pa tivaneg pa pane. Eemoghon sawa to malmal imundig, timatughez ve tighau.