Mbouŋ To Yes Israela 78:52-56

⁵²Ra igham tamtamon tooni tipul Isip. I imuuŋ pazi imin ŋginiiŋ to sipsip, ve yesŋa tilaghlaagh izi nugh ŋginaaŋa.

⁵³I imuŋmuuŋ pazi ve iŋginŋgin zi. Tauvene tiroi pa gabua eta mako, ve tileep poia mon. Eemon koiazŋa, te itav zi, le tisov timataar ila te loolo.

⁵⁴I igherev zi tila tigharau taan tooni patabuyaaŋ ziige, ve loloz tau i iparav pani ve ighamu imin le na.

⁵⁵Ve iziir nugh nugh tau tileep ila taan tawe na tighawaar, leso tamtamon tooni tila tigham taan toozi imin lezi motot. Ve irei taan tawe tomania ruum tau tighenaar ila na, le irau rumei rumei to yes Israela, ve tighamu imin lezi to tileep ila.

⁵⁶Eemon tizi ve titoov Maaron Tiina Tau Iliiv Zimaronŋa Tisov na muul. Tizorzoor aliiŋa, ve eez tau i ighuru pazi na, titaghoni mako. Yes tamtamon tooni. Eemon tighur murizi pani, ve tireu saveeŋ mbuaaŋ tau timbua tomania Maaron na raraate imin timbuzŋa. Tauvene i irau inumeer zi mako. Yes timin paneegh tau ool ipas pani, ve le uraat mako.