Mbouŋ to Yes Israela 71:21-24

²¹Ve yom pale upakur ghou, ve ugham izag ivot inim tiina, ve urab ateg, leso lolog poia muul.

²²Tovenen you pale narab gita, ve napait izam. Pasa, yom utataghon saveeŋ mbuaaŋ tiom. Maaron tiou, yom Maaron patabuaŋ to yes Israela. You pale narab gita tiou, ve nambou mbouŋ pa napait ghom.

²³Pale nalool ve nambou pa napait izam. Pale napakur ghom toman lolog. Pasa, yom to ugham mulin ghou pa pataŋani tiou.

²⁴Tovenen ndag to naol ne, mboŋmaagh ila le rabrab izi, you pale nasavia ŋgar tiom deŋia. Pasa, yes to tighaze tiwaghamun ghou, yom utatan di le tapiridi isob, ve upamuul di tila toman mayadi.