Mbouŋ to Yes Israela 53:1-3

¹Yes kankanooŋa to lolodi imaagh pa Maaron, tigham ŋgar ila lolodi tighaze: “Maaron eta ineep maau.” Ndiran tovene, Maaron lolo padi maau kat. Pasa, ŋgar todi isami wa. Tauto tighamgham ŋgar samsamia naol. Eta igham ŋgar poia maau.

²Maaron ineep izi sambam, ve mata izizi pa tamtoghon to taan. Ye ighaze ighita: Todi eta pale ighilaala, ma maau? Ve eta izuaria tau leso iwatag Maaron? Maau.

³Tisob tipul muridi pani, ve tisami wa. Eta igham ŋgar poia maau. Maau le maau kat.