Mbouŋ to Yes Israela 26:1-5

¹O Yoova, you naghaze yom upaghazoŋan ghou ila tamtoghon matadi ughaze you ŋgeu deŋiag. Pasa, laghooŋ tiou, you nataghon ŋgar deŋia moghon. Ve naghur ilat tiom ariaŋa. Lolog ru payom maau.

²Yoova, uŋgabiiz ghou, ve utoov ghou. Utiir poian lolog ve ŋgar tiou, ve ughita: You naneep deŋiag ila matam, ma maau?

³Moghon moghon, matag iŋgalŋgal ŋgar tiom to lolom ineep tuŋia ila to tamtoghon tiom ve uluul di. Yom utaghon saveeŋ tiom irau sawa isob. Gabuam tonanan ipapalot ghou pa laghooŋ tiou, tauto nataghon ataam tiom.

⁴Yeiŋa ndiran kaaromŋa niluplup ghei maau. Yes to tiparim taudi pa ghurla todi, you nala toman di maau.

⁵You naghur koi pa yes to tighamgham ŋgar samsamia, ve naneep saguan padi. Ighaze ndiran samsamia tilup di, irau naneep toman di maau.