Mbouŋ To Yes Israela 147:11-15

¹¹Tamtamon tau tiroi pani ve titaghon ŋgar tooni, tauta tighamu loolo poia. I tintini pa yes tau tinumeera tighe i loolo isaghav tamtamon tooni ve iuul zi.

¹²Yam Yerusalema, apakur Yoova! Yam tamtamon to Zion, apait Maaron tsiam.

¹³Pasaa, ataman to didiiŋ tau ilivut nugh tsiam na, i ipariaaŋ zi le tuŋia. Ve ighurghur poia tooni izazaa tsiam.

¹⁴I iŋginŋgin nugh tsiam, tauta aleep poia. Ve ighamgham lemim aniiŋ wit tau popoia kat. Tauta aghan le isooŋ gham.

¹⁵Isaav ighe i loolo pa gabua eta ivot izi taan, ene aliiŋa izilam ve gabua tana ivot. Saveeŋ tooni ilaan ve igham uraat rekia mon.