SALMOS 147:11-15

¹¹Pero TOTECO quipantía miyac paquilistli ipan tlacame tlen quitlepanitaj. Quipantía miyac paquilistli ipan tlen mochiyaj ipan ya iteicnelilis.

¹²Nochi imojuanti ipan ni altepetl Jerusalén, xijhueyimatica TOTECO. Quena, nochi tlen itztoque ipan tepetl Sion, xijpaquilismaca imoDios.

¹³Pampa yajaya cuali quitzactoc ipuertas imoaltepe para ax hueli quitlapos niyon se imocualancaitaca. Huan yajaya tlahuel quintiochijtoc imoconehua.

¹⁴Yajaya quititlanis tlasehuilistli ipan nochi imotlal, huan inmechmacas trigo tlen más cuali para ica ximopanoltica.

¹⁵Yajaya quintitlanis itlanahuatilhua ipan nochi tlaltepactli. Huan quema yajaya camatis, itlajtol nimantzi ajsis hasta campa hueli techaj.