6Yoova ighur sambam, taan, ve te, toman mbeb tisob to tineep ila. Ve saveeŋ toni isob, ye pale mata iŋgali, ve itaghoni irau sawa isob.
7Yes to koiadi titatan di, Yoova iyondyood padi, ve iuluul di pa pataŋani todi. Ve yes to pitool igham di, ye ighamgham adi aniiŋ. Ve yes to tineep ila koiadi nimadi, ye ighamgham mulin di.
8Yes to matadi pisi, ye igham di tighita ndug. Ve yes to pataŋani itatan di, ye iuul di, ve iit di tiza. Yoova lolo inepneep to ndiran deŋiadi.