5O Yerusalem, ighaze lolog imaagh payom, Yoova tau pale iwaghamun nimag waan, leso narab gita muul sob.
6Onoon kat, ighaze matag iŋgal Yerusalem muul maau, ve tinig iza pa mbeb ite paam ilib pa Yerusalem, Yoova tau pale iwaghamun avog, leso nambou muul sob.
7O Yoova, matam iŋgal ŋgar samia to yes Edoma, ve uyati. Pasa, sawa to koiamai tireu Yerusalem, yes Edoma tinidi iza, ve tisaav tighaze: “Iya! Poia kat pa areu Yerusalem. Areu mbirisani izi!”
8O ndug Babilon, yom uwaghamun ndug katindi, tovenen yom paam pale usami. Tamtoghon to ighaze iyat ŋgar to yom ugham payei, nene pale tini iza pa poia to Maaron to iza toni!
9Ve yes to tikis ndinatumim geegeu, ve tilos di tizala yaam pogho, tovene paam. Poia to Maaron pale iza todi ve tinidi iza.
Mbouŋ to Yes Israela 137
Mbouŋ to Yes Israela 137:5-9