Mbouŋ to Yes Israela 135:7-12

⁷Ye to igham yaghur tae indoui ila yaghur pughu. Ve igham uman izi, ve igham ndug milia. Ye ikakaak ruum toni to yaghur ineep ilooŋ ila ne ataama, leso ivot ve ilaagh irau taan.

⁸Muuŋ, ye irab yes Isipa ndinatudi aidaba toman ŋgai todi to tipoop di muuŋ ne, le tisob timatmaat.

⁹Ye igham mbeb gharatooŋadi ve uraat tintina izi Isip, le iwaghamun kinik todi toman uraata toni tisob.

¹⁰Sawa to yes Israela tilooŋ tila taan to yes Kanaana, ye irab tamtoghon to ndug ndug timatmaat. Kinik to tapiridi tintina ne paam, ye irab di timatmaat.

¹¹Ye irab Sihon to kinik to yes Amora, Og to kinik to Basan, ve kinik tisob to ndug ndug to Kanaan.

¹²Ve igham taan todi inim yes Israela ledi. Leso tamtoghon toni tineep pani itaghoni taghoni gha ila.