Mbouŋ To Yes Israela 129:1-5

¹Mbouŋ to yes tau tizala Yerusalem pa suŋuuŋ “Saawe tau kukuag ve ilam, koiagŋa tighurghur pataŋani naol payau.” Yam eval tiina to Israel, eŋaeŋa asov asaav tauvene:

²“Onoon kat. Saawe tau kukuag ve ilam na, koiagŋa tighurghur pataŋani naol payau. Eemon titatan ghau mako.

³Yes tiloslos ghau le ndumeg itamboroos. Tivaghamun ghau le ndumeg imin taan tau tigheli pa vazoghiiŋ aniiŋ na.”

⁴Eemon Yoova ŋgar tooni, ene iduduuŋ mon. Tauta igham mulin ghau ila zeran sasaghati tawe nimazi, ve namin besooŋa sorok pazi muul mako.

⁵Tamtamon tisov tau tighurghur koi pa nugh Zion na, Yoova pale ipamuul zi tila toman mayazi.