4Iit tamtoghon to Yoova tanimnim sualen pa suŋuuŋ. Rumai to yes Israela tisob tizazala pa Yerusalem pa suŋuuŋ, ve tipait Yoova iza pa poia toni, titaghon tutuuŋ to ye tau ighuri padi.
5Pasa, kinik tiei to tivot ila to David ne, inadi to ghamuuŋ pooz ineep to sualen. Ve tighagharaat saveeŋ to tamtoghon paam izi sualen.
6Suŋuuŋ tiam iŋarua Yoova, ve aghasoni pa igham tamtoghon to Yerusalem tineep pooi toman lolodi luuma! Asuŋ pani aghaze: “Yes to lolodi pa Yerusalem, upaghau pataŋani padi. Leso timatughez sob, ve tineep poia moghon.