Mbouŋ to Yes Israela 119:86-88

⁸⁶Tutuuŋ tiom tisob, popoiadi moghon. Tovenen yei irau ninumeer di pa tipasaluŋgan ghei. Aazne, tamtoghon tighur pataŋani payou sorok. Tovenen uul ghou lak!

⁸⁷Pasa, mala maau pale tipasob nepooŋ tiou to taan. Eemoghon tutuuŋ to yom ughur di, you napul murig padi maau.

⁸⁸Yom lolom ineep tuŋia ila to tamtoghon tiom ve uluul di. Tovenen uŋgin ghou naneep pooi. Leso matag kisin ataam to yom ughuri payei, ve nataghoni irau sawa isob. Ataam tonenen, taum avom isavia.