Mbouŋ to Yes Israela 119:139-142

¹³⁹Ŋgar tiou iyaryaaŋ kat naghaze tamtoghon tisob titaghon aliŋam. Eemoghon koiagŋa lolodi imaagh pani. Tauto tigham ghou ateg yabyab kat.

¹⁴⁰You mbesooŋa tiom. Lolog pa saveeŋ tiom, ve nanumeera kat. Pasa, natoova le naghita naghaze nene onoon.

¹⁴¹Onoon, you ŋgeu sorok, ve tamtoghon matadi izi payou. Eemoghon tutuuŋ to yom ughur di, lolog imaagh padi maau.

¹⁴²Ŋgar tiom deŋia pale inepneep tovene itaghoni taghoni gha ila. Ve saveeŋ tiom, nene onoon moghon. Tovenen irau naghur ila, ve nanumeera kat.