Mboe 86:7-10

⁷Nio sombe pataŋana indeeŋe yo, nako aŋtaŋroro u. Pa nu leŋleŋ suŋŋana tio mi uluulu yo.

⁸Merere tio, nu itum tamen ta Anutu ŋonoono. Anutu toro sa kembei ta nu na som. Pa uraata ku ilip kat. Tana kadom sa som.

⁹Merere tio, nu ur tomtom ta munŋaana men ma timbot pa lele kizin kizin. Karkari ta boozomen ko timar be tilek kumbun pu mi tipakur zom.

¹⁰Pa nu ta biibi ŋonoono. Mi nu kamam uraata mburanŋan ta ipa ndel kat. Tana nu itum tamen ta Anutu ŋonoono.