7 Nio sombe pataŋana indeeŋe yo, nako aŋtaŋroro u. Pa nu leŋleŋ suŋŋana tio mi uluulu yo.
8 Merere tio, nu itum tamen ta Anutu ŋonoono. Anutu toro sa kembei ta nu na som. Pa uraata ku ilip kat. Tana kadom sa som.
9 Merere tio, nu ur tomtom ta munŋaana men ma timbot pa lele kizin kizin. Karkari ta boozomen ko timar be tilek kumbun pu mi tipakur zom.
10 Pa nu ta biibi ŋonoono. Mi nu kamam uraata mburanŋan ta ipa ndel kat. Tana nu itum tamen ta Anutu ŋonoono.
