Mboe 66:2-7

²Kombo mboe mi kapakuri. Pa ni zaana biibi. Kiwit uruunu ma isala kor!

³Koso pa Anutu ta kembei: “Anutu, uraata bibip ta kamam, ina tomtom tire mi timoto. Nu mburom biibi kat. Tana kom koi bizin timoto kan mi tilek kumbun pu.

⁴Mi zin men som. Zin karkari ta tirao toono ta boozomen na, timap ma tilek kumbun pu. Mi lelen ambai pu mi timbombo mboe be tipakur zom.

⁵Kamar mi kere uraata bibip ta Anutu ikam la tomtom mazwan. Uraata tana iswe kat Anutu mburaana. Tabe tomtom tire mi timoto kan.

⁶Muŋgu ni ikam tai ma iwe toono raraazaŋana, mi tumbundu bizin tindu ma tipa pa. Tana iti menmeen ti pini.

⁷Ni ko ikam peeze ma alok. Pa mburaana biibi kat. Mi ni mataana izzu pizin tomtom mi itirtiiri zin. Tana niom wal zorzooroŋoyom kamaŋga be kozoori mini pepe.