Mboe 64:3-9

³Sua ta tigibgiibi na, ambai som kat. Mian na, kembei buza ta titwooro ma mataanaŋana kat. Sua kizin na, kembei peene lutuunu ta tisuulu koroŋ sananŋana ise be tipeene yo pa.

⁴Zin tikewe lae zaala zilŋaana, mi tizaŋzaaŋa zin wal ta tikam ŋoobo mbulu sa som. Mi so tire zin na, karau men mi tipeene zin. Mi timoto kosa sa som.

⁵Zin tiparpesese zin pa mbulu sananŋana, mi tiparzzo pizin pa lele tabe tiur kilis kizin isu pa i. Mi tizzo ta kembei: “Mbulu ta takamam i, asiŋ ko ire? Som.”

⁶Tana lelen iurur be tikam mbulu kizin sananŋana ma tiso: “Aa, mbulu tabe takam i, nako takam ma takam kat. Tomtom sa ko iute iti som.” Aiss, iti tomtom na, ŋgar bozboozo imbot la lelende!

⁷Tamen Anutu, ni ko iser kat peene kini lutuunu ila kizin. Ko karau men ikas zin ma baram su.

⁸Sua sananŋana ta zin tigibgiibi na, Anutu ko ipimiili pizin mi ipasaana zitun pa. Mbulu tabe ni ikam pizin i, wal boozomen ko tire, to uten katkat pizin mi tiso: “Na buri. Kayamaana kek?”

⁹Mi tomtom ta boozomen ko tikam ŋgar pa mbulu ta Anutu ikam na, to timoto kan, mi tisoyaara uruunu.